Komunikasten

Publizitatearen mugak

Helburua betetzeak ez du bidea justifikatzen. Publizitateak mugak behar ditu gizartean kontrako efektu kolateralik ez izateko. Baina mugak ez dira bakarrik publizitatearentzat, bestelako esparruak ere kontrolatu behar dira.

Publizitateari kalte edo mesede egin diezaioke
armani junior Markaren ospearen kontra egiten duenean publizitateari egindako salaketak, funtsik gabekoa izan arren, kalte egingo dio. Kontra zabaltzen den mezu horri aurre egitea oso zaila da. Demagun kontsumitzaile elkarte batek iragarki baten kontrako salaketa jarri duela, adibidez, ‘armani junior’-i bi haur emakume gazte probokatibaz jansteagatik geratu zaiona. Armani juniors-en markak komunikatzen saiatzen denaren kontrako mezua zabaldu zen. Azalpena, berriz, beti salaketak baino interes gutxiago duenez, komunikabideetan izaten duen oihartzuna txikiagoa da.

Marka: Produktu edo zerbitzuek izen bat daukate, markan islatzen dena. Markak ezaugarri batzuk adierazi nahi ditu komunikazioaren bidez. Hortaz, markaren mezuaren kontrako zerbait komunikatzen denean interferentzia kaltegarria gertatzen ari da. Hori ekiditeko, publizitatearen efektu kolateralak saihestu behar dira.

beneton Alde ere egin dezake. Batzuetan, iragarleek polemika behar dute komunikazioa zabaltzeko. Horretarako, publizitatearen bidez arreta dei dezakete. Adibide garbiena Beneton-en kanpainak ditugu. Marka honek, iragarki probokatzaileen bidez fama eskuratu du. Gainera, jasotako salaketek ez dute bere markaren kontrako eraginik izan bere xede taldean, gehienek probokatzeko duen filosofia ez dutelako gaizki ulertzen.

Nork sala dezake publizitatea? subjektu hauek dute legitimazioa ez-zilegia den publizitatea eteteko, hau da, zuzenbidean deritzon etete akzioa gauzatzeko: eskubide edo interes legitimo baten jabeak, kontsumitzaileen eta erabiltzaileen zehaztugabeko interesen babesa duten elkarteak, administrazio publikoko zenbait erakunde (adibidez: Emakunde), Kontsumorako Institutu Nazionala, Autonomi Erkidegoetako tokiko erakundeak, Arartekoa, (EAE , Nafarroa) eta Europar Batasuneko legitimazio aktiboa duten erakundeak eta elkarteak.

Legea zorrotzagoa da publizitatearekin
Publizitateak duen helburu komertziala eta intrusiboa dela eta beste jardunak baino kontrolatua dago. Adibidez, filmen edukietan biolentzia ager daiteke lasai asko, publizitatean, berriz, salatua izango litzateke. Zinea entretenimendu eta artearekin lotura duenez, muga arinagoak ditu.
Internet ere publizitatea baino askeagoa da. Komunikabide berri honen mugak arinak dira oraindik. Jaioberria denez, orain sortzen ari dira kontrolerako bideak. Adibide gisa, haurrek edozein webgunetan sartzeko duten askatasuna daukagu. Horretarako, kontrol mekanismoak jartzen saiatzen ari dira. Hauen artean, jardun protokolo bat martxan jarri dute gurasoek eta tutoreek erabiltzeko. Horren bidez, haurrek interneten ikusten dituzten edukiak egokiak izatea ahalbidetuko da.

Legeak publiko jakin batzuk babesten ditu
Umeak babesten ditu limurterrazagoak direlako. 12 urte izan arte ez dituzte publizitatearen helburuak ondo ulertzen. Errealitatea eta fantasia nahasten dute. Hortaz, kontsumitzaile ez-arrazionalak dira.
mediamarket Emakumearen irudia babesten du rol jakin batzuk atxikitzen dizkiolako publizitateak salmenta kopurua suspertzeko. Hona hemen adibide batzuk:
Emakume domestikoa: Zaintza (umeak, senarra, etxea).
Emakume sublimea: haragizkoa ez, zerutiarra, irreala.
Emakume objektua: hor dago ikusia izateko, ez da subjektua.
Superwoman-a: Langile arrakastatsu eta ama/etxekoandre bikaina:
Emakume agresiboa, gizona menperatzen eta mespretxatzen duena.

Saldu ahal dira baina ezin dira publizitatu
Badira kontraesanak publizitatearen erregulazioan. Bereziki alkohola eta tabakoaren kasuan. Bi produktu hauek salgai daude, 18 urte baino gehiago daukan edozein herritarrek eros ditzake, legala da. Halere, publizitatea egitea debekatu zaie. Hau da legedia:
– Telebistan debekatua dago 20 gradutik gorako edari alkoholdunaren eta tabakoaren publizitatea.
– Tabakoaren publizitatea eta babesletza debekatua dago leku guztietan aldizkarietan eta saltokietan salbu.
– Tabakoaren legeak tabakoaren publizitatea, promozioa eta babesletza debekatu ditu, hedabide eta gizarte-informazio zerbitzu guztietan.
Bi produktu polemikoak dira tabakoa eta alkohola, biak osasunerako kaltegarriak, biek zerga altuak jasotzen dituzte, biek estatuaren diru-sarrerak elikatzen dituzte. Egin kontu.
tabakoa

Autoregulazioa
Iragarleek, publizitate-agentziek eta komunikabideek autorregulazioa jarri dute martxan beren jarduera etikoa eta joku garbia indartzeko. Horretarako, kode etikoak eta deontologikoak burutzen dituzte eta jurisdikzio-organo batek aplikatzen ditu, lege sistemaren osagarria. Borondatezko kontrola da eta zeharka interes publikoa babesten du.
Horrela, iragarleek kanpaina bat argitara eman baino lehen jakin dezakete markaren irudiarentzat kaltegarria izango den.

Zein da erdibidea?

Nire aburuz, publizitatea kontrolatu behar da, zalantzarik gabe. Baina ez da kontrolatu behar den jarduera bakarra. Telebista, zinea eta internetek ere efektu kaltegarriak izan ditzakete gizartean.

One comment on “Publizitatearen mugak

  1. Pingback-a: 2010 in review « Komunikasten’s Blog

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s

Information

This entry was posted on maiatza 16, 2009 by in Eraginkortasunaren baliospena.
%d bloggers like this: